Litaniae de Domino Nostro Iesu Christo Sacerdote et Victima

culto-divino-membrete

Prot. N. 1050/11/L

LITANIAE
« DE DOMINO NOSTRO IESU CHRISTO SACERDOTE ET VICTIMA »

I. vel A

Kýrie, eléison.

Kýrie, eléison

Christe, eléison. Christe, eléison
Kýrie, eléison. Kýrie, eléison
 
Christe, audi nos. Christe, audi nos
Christe, exáudi nos. Christe, exáudi nos

vel B

Pater de caelis, Deus, miserére nobis
Fili, Redémptor mundi, Deus, miserére nobis
Spíritus Sancte, Deus, miserére nobis
Sancta Trínitas, unus Deus, miserére nobis

II

Iesu, Sacérdos et Víctima, miserére nobis
Iesu, Sacérdos in aetérnum
secúndum órdinem Melchísedech,
miserére nobis
Iesu, Sacérdos quem misit Deus
evangelizáre paupéribus,
miserére nobis
Iesu, Sacérdos qui in novíssima cena
formam sacrifícii perénnis instituísti,
miserére nobis
Iesu, Sacérdos semper vivens
ad interpellándum pro nobis,
miserére nobis
Iesu, Póntifex quem Pater unxit
Spíritu Sancto et virtúte,
miserére nobis
Iesu, Póntifex ex homínibus assúmpte, miserére nobis
Iesu, Póntifex pro homínibus constitúte, miserére nobis
Iesu, Póntifex confessiónis nostrae, miserére nobis
Iesu, Póntifex amplióris
prae Móysi glóriae,
miserére nobis
Iesu, Póntifex tabernáculi veri, miserére nobis
Iesu, Póntifex futurórum bonórum, miserére nobis
Iesu, Póntifex sancte,
ínnocens et impollúte,
miserére nobis
Iesu, Póntifex fidélis et miséricors, miserére nobis
Iesu, Póntifex Dei et animárum
zelo succénse,
miserére nobis
Iesu, Póntifex in aetérnum perfécte, miserére nobis
Iesu, Póntifex qui per próprium
sánguinem caelos penetrásti,
miserére nobis
Iesu, Póntifex qui nobis
viam novam initiásti,
miserére nobis
Iesu, Póntifex qui dilexísti nos
et lavísti nos a peccátis in sánguine tuo,
miserére nobis
Iesu, Póntifex qui tradidísti temetípsum
Deo oblatiónem et hóstiam,
miserére nobis
Iesu, Hóstia Dei et hóminum, miserére nobis
Iesu, Hóstia sancta et immaculáta, miserére nobis
Hóstia placábilis, miserére nobis
Hóstia pacífica, miserére nobis
Iesu, Hóstia propitiatiónis et láudis, miserére nobis
Iesu, Hóstia reconciliatiónis et pacis, miserére nobis
Iesu, Hóstia in qua habémus fidúciam
et accéssum ad Deum,
miserére nobis
Iesu, Hóstia vívens in saécula
saeculórum,
miserére nobis
Propítius esto, líbera nos, Dómine

III

A temerário in clerum ingréssu, líbera nos, Dómine
A peccáto sacrilégii, líbera nos, Dómine
A spíritu incontinéntiae, líbera nos, Dómine
A turpi quaéstu, líbera nos, Dómine
Ab omni simoníae labe, líbera nos, Dómine
Ab indígna opum ecclesiasticárum
dispensatióne,
líbera nos, Dómine
Ab amóre mundi eiúsque vanitátum, líbera nos, Dómine
Ab indígna Mysteriórum tuórum
celebratióne,
líbera nos, Dómine

IV

Per aetérnum sacerdótium tuum, líbera nos, Dómine
Per sanctam unctiónem, qua a Deo Patre
in sacerdótem constitútus es,
líbera nos, Dómine
Per sacerdotálem spíritum tuum, líbera nos, Dómine
Per ministérium illud, quo Patrem tuum
super terram clarificásti,
líbera nos, Dómine
Per cruéntam tui ipsíus immolatiónem
semel in cruce factam,
líbera nos, Dómine
Per illud idem sacrifícium
in altári quotídie renovátum,
líbera nos, Dómine
Per divínam illam potestátem, quam in
sacerdótibus tuis invisibíliter exérces,

V

Ut univérsum órdinem sacerdotálem
in sancta religióne conserváre dignéris,
Te rogámus, audi nos
Ut pastóres secúndum cor tuum pópulo tuo
providére dignéris,
Te rogámus, audi nos
Ut illos spíritus sacerdótii tui implére
dignéris,
Te rogámus, audi nos
Ut lábia sacerdótum sciéntiam custódiant, Te rogámus, audi nos
Ut in messem tuam operários fidéles míttere dignéris, Te rogámus, audi nos
Ut fidéles mysteriórum tuórum dispensatóres multiplicáre dignéris, Te rogámus, audi nos
Ut eis perseverántem in tua voluntáte
famulátum tribúere dignéris,
Te rogámus, audi nos
Ut eis in ministério mansuetúdinem,
in actióne sollértiam et in oratióne
constántiam concédere dignéris,

Te rogámus, audi nos

Ut per eos sanctíssimi Sacraménti
cultum ubíque promovére dignéris,
Te rogámus, audi nos
Ut qui tibi bene ministravérunt,
in gáudium tuum suscípere dignéris,
Te rogámus, audi nos
Agnus Dei, qui tollis peccáta mundi, parce nobis, Dómine
Agnus Dei, qui tollis peccáta mundi, exáudi nos, Dómine
Agnus Dei, qui tollis peccáta mundi, miserére nobis, Dómine
Iesu, Sacérdos, audi nos
Iesu, Sacérdos, exáudi nos

Orémus

Ecclésiae tuae, Deus, sanctificátor et custos, súscita in ea per Spí- ritum tuum idóneos et fidéles sanctórum mysteriórum dispensatóres, ut, eórum ministério et exémplo, christiána plebs in viam salútis te protegénte dirigátur. Per Christum Dóminum nostrum. Amen.

vel:

Deus, qui ad glóriam tuam et géneris humáni salútem Christum voluísti summum aeternúmque constitúere sacerdótem, praesta, ut pópulus, quem sánguine suo tibi acquisívit, ex eius memoriális participatióne, virtútem crucis ipsíus cápiat et resurrectiónis. Qui vivis et regnas in saécula saeculórum. Amen.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s