Legionensis: variationes in Calendarium proprium

Prot. N. 357 / 18

LEGIONENSIS

Instante Excellentissimo Domino Iuliano López Martin, Episcopo Legionensi, litteris 15 mensis ianuarii 2019 datis, vigore facultatum huic Congregationi a Summo Pontifice FRANCISCO tributarum, perlibenter concedimos, ut memoriæ ad libitum sancti Augustini Cantuarensis, episcopi, a die 27 mensis maii ad diem 28 eiusdem mensis, beatæ Mariæ Virginis de Mercede, a die 24 mensis septembris ad diem 25 eiusdem mensis, sanctorum Dionysii, episcopi, et sociorum, martyrum, a die 9 mensis octobris ad diem 13 eiusdem mensis, sancti Ioannis Leonardi, presbyteri,  a die 9 mensis octobris ad diem 13 eiusdem mensis, sanctæ Angelæ a Cruce Guerrero González, virginis, a die 5 mensis novembris ad diem 7 eiusdem mensis, et sanctæ Catharinæ Alexandrinæ, virginis et martyris a die 24 mensis novembris ad diem 26 eiusdem mensis, atque memoriæ sanctæ Claræ, virginis, a die 11 mensis augusti ad diem 17 eiusdem mensis, necnon Missa de rogationibus et quattuor anni temporibus, a die 5 mensis octobris ad diem 8 eiusdem mensis, in Calendarium propium eiusdem Diœcesis transferri valeant.

Contrariis quibuslibet minime obstantibus.

Ex ædibus Congregationis de Cultu Divino et Disciplina Sacramentorum, die 22 mensis iulii 2019, in festo sanctæ Mariæ Magdalenæ.

✠ Arturus Roche
Archiepiscopus a Secretis

Rev. P. Conradus Maggioni, S.M.M.
Subsecretarius